Şerlər

Cığırlar

Çap versiyası   Dostuna göndər

Yollardan cığırlar ayrılır,

Cığırlar yollardan sıyrılır.

Yollardan cığırlar-

od alıb gedirlər.

Haradasa zəncir tək

qırılıb-tökülər cığırlar,

Haradasa divar tək

köhnəlib sökülər cığırlar.

Düzləri keçərək, dağlara dırmaşar

cığırlar,

Kolları biçərək

dağlara sarmaşar cığırlar.

İstidə büzüşüb donarlar,

Şaxtada alışıb yanarlar

cığırlar.

Büdrəyər, yıxılar,

Bəzən də, bir kibrit çöpü tək

alışıb sönərlər;

cığırlar yollardan ayrılıb

özləri yollara dönərlər...